.jpg)
Berkarar döwletiň täze eýýamynyň Galkynyşy döwründe «Halkara parahatçylyk we ynanyşmak» ýylynyň 4-8-nji awgustynda «Awaza» milli syýahatçylyk zolagynda geçirilýän Birleşen Milletler Guramasynyň Deňze çykalgasy bolmadyk ösüp barýan ýurtlar boýunça üçünji maslahatynyň taryhy ähmiýetini wagyz etmek hem-de dabaralandyrmak maksady bilen Daşoguz şäher häkimliginiň mejlisler zalynda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi, Türkmenistanyň Zenanlar birleşiginiň Daşoguz şäher bölümi, syýasy jemgyýetçilik guramalarynyň, bilim, saglygy goraýyş, medeniýet we sport ulgamlarynda zähmet çekýän zenanlaryň hem-de talyp gyzlaryň gatnaşmaklarynda «Awaza forumy – halkara hyzmatdaşlykda möhüm meýdança» atly dabaraly maslahat geçirildi. Maslahatda Daşoguz şäheriniň 15-nji orta mekdebiniň müdiri Mährem ene Amanýazowa Ogulboldy, Türkmenistanyň Agrar Partiýasynyň Daşoguz şäher bölüminiň başlygy Saparaowa Jennet, Daşoguz .jpg)
welaýat deri we newrologiýa hassahanasynyň lukmany Hojagulyýewa Selbi, TMÝG-nyň Daşoguz welaýatynyň Daşoguz şäher Geňeşiniň esasy hünärmeni Jennet Gulmyradowa, Daşoguz şäheriniň 25-nji orta mekdebiniň başlangyç synp mugallymy Ýazbibi Mämedowa, Türkmenistanyň Kärdeşler Arkalaşygynyň Daşoguz şäher bölüminiň hünärmeni Gülruh Haljanowadagylar çykyş etdiler. Çykyş edenler Mukaddes Garaşsyzlygymyzyň 34 ýyllygynyň hem-de baky Bitaraplygymyzyň şanly 30 ýyllygynyň, Birleşen Milletler Guramasynyň esaslandyrylmagynyň 80 ýyllygynyň uly dabara beslenýän şu ýylda şeýle wekilçilikli forumyň ýurdumyzda geçirilmeginiň wajyp ähmiýete eýedigini, ýurdumyzyň ählumumy abadançylygy, howpsuzlygy üpjün etmegiň bähbidine netijeli gatnaşyklary pugtalandyrmak, durnukly energetika, ulag, ekologiýa, daşky gurşawy goramak ýaly ulgamlarda hyzmatdaşlygy işjeňleşdirmek boýunça öňe sürýän başlangyçlarynyň dünýä jemgyýetçiligi tarapyndan giňden goldanylýandygynyň aýdyň beýanydygyny belläp, bu giň gerimli forumyň, «Awaza» milli syýahatçylyk zolagynda geçirilmegi, Garaşsyz, hemişelik Bitarap Türkmenistanyň halkara derejeli çäreleriň yzygiderli geçirilýän merkezine öwrülendigini alamatlandyrýar diýip çykyş edenler belläp, forumyň işine üstünlikler arzuw etdiler. Maslahatyň ahyrynda oňa gatnaşyjylar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Jennet GULMYRADOWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň Daşoguz şäher
Geňeşiniň Guramaçylyk bölüminiň esasy hünärmeni.
