Golaýda Mary etrap häkimliginiň, Türkmenistanyň Magtymguly adyndaky Ýaşlar guramasynyň Mary welaýatynyň Mary etrap Geňeşiniň bilelikde guramagynda etrabyň Medeniýet öýünde Türkmenistanyň Halk maslahatynyň nobatdaky mejlisine görülýän taýýarlyk işleri hem-de BMG-niň Deňze çykalgasy bolmadyk ösüp barýan döwletler boýunça üçünji halkara maslahatynyň üstünlikli geçmegi mynasybetli «Parahatçylykly döwletde – arzuwlaryň hasylydyr bu Watan» ady bilen aýdym-sazly dabaraly maslahat geçirildi. Oňa etrabyň jemgyýetçilik guramalarynyň wekilleri, ýaşulylar we ýaşlar gatnaşdylar.
Maslahatda Türkmenistanyň Demokratik partiýasynyň etrap komitetiniň başlygy Muhammet Nepesow, Türkmenistanyň Magtymguly adyndaky Ýaşlar guramasynyň Mary welaýat Geňeşiniň başlygynyň orunbasary Kakajan Täçgulyýew, Türkmenistanyň Magtymguly adyndaky Ýaşlar guramasynyň Mary welaýatynyň Mary etrap Geňeşiniň başlygy Yklymmyrat Tuwakmyradow, TKA-nyň Mary etrap birleşmesiniň başygy Kakajan Durdyýew dagylar çykyş etdiler.
Buýsançly pursatlara beslenen dabaraly maslahatda etrabyň medeniýet we sungat ussatlarynyň taýýarlan aýdym-sazly çykyşlary oňa gatnaşanlara ruhy lezzet paýlady.
Yklymmyrat TUWAKMYRADOW,
Türkmenistanyň Magtymguly adyndaky
Ýaşlar guramasynyň Mary welaýatynyň
Mary etrap Geňeşiniň başlygy,
Mary welaýat halk maslahatynyň agzasy.
