Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň Aşgabat şäheriniň Berkararlyk etrap häkimligi bilen bilelikde gurnamagynda Aşgabat şäheriniň Berkararlyk etrap häkimliginiň mejlisler zalynda etrabyň çäginde ýerleşýän edara-kärhanalarda zähmet çekýän ýaşlaryň gatnaşmaklarynda «Awaza» milli syýahatçylyk zolagynda geçirilen BMG-niň Deňze çykalgasy bolmadyk ösüp barýan döwletler boýunça geçirilen üçünji maslahatynyň ähmiýeti barada “Türkmenistan halkara hyzmatdaşlygynda ösüşlere tarap” atly wagyz-nesihat duşuşygy geçirildi.
Bu duşuşykda çykyş edenler halkara forumyň çäklerinde geçirilen Ýaşlar forumy we Zenan ýolbaşçylarynyň maslahaty barada aýdyp, halkara derejede ýaşlara hem-de zenanlara goýulýan belent sarpa we uly ynam bildirilýändigi hakynda ýakymly sözler aýdyldy.
Duşuşygyň ahyrynda Garaşsyz, baky Bitarap Türkmenistan döwletimizde ýurdumyzyň halkara gatnaşyklardaky ornuny pugtalandyrmakda, dünýäniň ösen döwletleri bilen dost-doganlyk gatnaşyklaryny dabaralandyrmakda beýik işleri alyp barýan türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli döwletli işleriniň elmydama rowaçlyklara beslenmegini arzuw etdiler.
Ogulgurban SAPARDURDYÝEWA,
Türkmenistanyň Magtymguly adyndaky Ýaşlar
guramasynyň Aşgabat şäheriniň Berkararlyk
etrap Geňeşiniň Guramaçylyk bölüminiň
baş hünärmeni.
