Ýakynda Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň hem-de «Ýaşlyk» teleradioýaýlymynyň bilelikde guramagynda «Parahatçylyk: ýaşlaryň sesi» atly gepleşigi ýazga geçirildi. Türkmenistanyň Jemgyýetçilik guramalarynyň merkezi binasynda geçirilen gepleşigiň bu gezekki sany «Halkara parahatçylyk we ynanyşmak» ýylynda Maslahatlar merkezinde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlyklyk etmeginde geçirilen Türkmenistanyň Halk Maslahatynyň Prezidiumynyň mejlisine hem-de taýýarlyk işlerine bagyşlandy.
Gepleşikde çykyş edenler türkmen halkynyň gadymdan gelýän däp-dessurlarynyň biri hökmünde möhüm wezipeleri, wakalary ara alyp maslahatlaşmak bolup, müňlerçe ýyl bäri halkymyzyň durmuşynda dowam edip gelýän demokratik däpleriň biridigini, şeýle-de Garaşsyzlyk baýramynyň öňüsyrasynda geçiriljek Türkmenistanyň Halk Maslahatynyň nobatdaky mejlisiniň ýurdumyzyň täze belent sepgitlere ýetmegine ýardam berjekdigi barada giňişleýin beýan etdiler.
Gepleşigiň ahyrynda oňa gatnaşanlar uly ösüşleri we parahatçylygy nazarlaýan Watanymyzyň halkara abraýyny beýgeltmekde alyp barýan dünýä nusgalyk beýik işleri üçin Gahryman Arkadagymyza we hormatly Prezidentimiz Arkadagly Gahryman Serdarymyza alkyş sözlerini beýan etdiler.
Ogulbäbek BAÝMYRADOWA,
Türkmenistanyň Magtymguly adyndaky
Ýaşlar guramasynyň Aşgabat şäher Geňeşiniň
Guramaçylyk bölüminiň müdiri.
