Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşiniň etrabyň bilim bölümi bilen bilelikde guramagynda etrabyň 1-nji çagalar bagynda terbiýelenýän körpe nesilleriň gatnaşmagynda «Biz bagtyýar nesiller» atly zehin bäsleşigi geçirildi.
Çagalaryň bilim derejesini artdyrmak, olaryň pikirleniş ukyplaryny, ýatkeşligini ösdürmek maksady bilen geçirilen zehin bäsleşiginde çagalar bagynda terbileýelenýän körpe nesiller türkmen, iňlis we rus dillerinde öwrenen goşgylaryny ýatdan aýtdylar, läleleri, hüwdüleri, sanawaçlary, ýaňyltmaçlary, matallardyr-tapmaçalary ýerine ýetirdiler. Bäsleşige gatnaşan körpelere Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi tarapyndan höweslendiriji baýraklar gowşuryldy.
Güljemile AŞYROWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Görogly etrap Geňeşiniň Guramaçylyk
bölüminiň esasy hünärmeni.
