Berkarar döwletiň täze eýýamynyň Galkynyşy döwründe Halkara parahatçylyk we ynanyşmak ýylynyň 21-nji awgustynda Lebap welaýatynyň Türkmenabat şäheriniň 6-njy sport mekdebinde Türkmenistanyň kikboks boýunça çempionatynyň Lebap welaýatynyň saýlama bäsleşigi geçirildi.
Bäsleşige welaýatynyň ähli etraplaryndan we Türkmenabat şäherinden saýlanan 14-17 ýaş aralygyndaky ýaş türgenler gatnaşdylar. Welaýat boýunça jemi 96 sany türgen gatnaşyp, olardan 26-sy 1-nji ýere, 28-si 2-nji ýere we 26-sy 3-nji ýere mynasyp boldy.
Ýaryşda birinji orna mynasyp bolan Lebap welaýatynyň ýygyndy topary sentýabr aýynyň 6-9-njy aralygynda Aşgabat şäherinde geçiriljek Türkmenistanyň kikboks boýunça ýaryşyna gatnaşmaga hukuk gazandylar.
Şeýle geçirilýän ýaryşdyr-bäsleşikler ýaşlarda sporta bolan höwesini has-da artdyrýar.
Şeýhnazar DAWLETOW,
Türkmenistanyň Magtymguly adyndaky Ýaşlar
guramasynyň Lebap welaýatynyň Türkmenabat
şäher Geňeşiniň Guramaçylyk bölüminiň müdiri.
