Bagtyýar çagalygyň mekany bolan ata Watanymyz Türkmenistanda ýaş nesliň asuda durmuşda abadan ýaşamagy, berk bedenli, sagdyn. ruhubelent nesiller bolup ýetişmekleri giň mümkinçilikler döredilýär. Häzirki wagtda çagalar baglarynda terbiýelenýän körpeleriň sportuň dürli ugurlary bilen meşgullanmaklary ugrunda giň gerimli çäreler durmuşa geçirilýär.
Şeýle çäreleriň biri hem Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşiniň guramagynda etrabyň 1-nji çagalar bakja-bagynda sagdyn durmuş ýörelgelerini wagyz etmek, ruhy we fiziki taýdan sagdyn nesilleri kemala getirmek, şeýle-de ýaş nesilleri köpçülikleýin sporta çekmek maksady bilen çagalar bagynyň körpeleriniň gatnaşmagynda “Sagdyn nesil — bagtyýar geljek” atly sportuň dürli görnüşleri boýunça sport çäresi geçirildi.
Çäräniň ahyrynda oňa gatnaşanlar ýurdumyzy bagtyýar çagalygyň mekanyna öwürýän, çagalaryň döredijilik we sport bilen meşgullanmagy üçin giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Sülgün PIRIÝEWA,
Türkmenistanyň Magtymguly adyndaky Ýaşlar
guramasynyň Daşoguz welaýatynyň
Akdepe etrap Geňeşiniň Guramaçylyk bölümiň müdiri.
