Ýakynda Türkmenistanyň Magtymguly adyndaky Ýaşlar guramasynyň Daşoguz welaýat Geňeşiniň, Daşoguz şäher Geňeşiniň hem-de Daşoguz welaýat Baş bilim müdirliginiň bilelikde guramagynda Bilimler we talyp ýaşlar güni mynasybetli Türkmenistanyň Magtymguly adyndaky Ýaşlar guramasynyň bilim ulgamynda zähmet çekýän işjeň agzalarynyň gatnaşmagynda «Kämil bilim —röwşen geljek» atly maslahat we kitap sergisi geçirildi.
Maslahatda çykyş edenler ajaýyp döwrümizde okamak, hünär öwrenmek, döwrebap tehnologiýalaryň tilsimlerini özleşdirmek babatda ýaşlara döredilýän mümkinçilikler, ýurdumyzda bilimli nesli kemala getirmek ugrunda edilýän aladalar barada giňişleýin gürrüň berdiler.
Çäräniň ahyrynda oňa gatnaşanlar ýaş nesilleriň döwrebap bilim almagy, ylym öwrenmegi ugrunda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Sabyrgeldi BEGOW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Daşoguz şäher Geňeşiniň başlygy
