Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda Türkmenistan ýurdumyz bedew bady bilen ösüşlere tarap öňe barýar. Biz muny halkymyzyň ähli ugurlarda gazanan üstünliklerinde görýäris. Garaşsyz hem-de hemişelik Bitarap Türkmenistanyň her bir güni beýik ösüşlere, şanly senelere, baýramlara beslenýär. Türkmen halkymyz şeýle ajaýyp baýramlaryň birini, ýetip gelýän mukaddes Garaşsyzlygymyzyň şanly 34 ýyllygyny uly dabara bilen bellemäge taýýarlyk görýär. Çünki, Garaşsyzlyk halkyň abraýyny belende göteren, döwletimizi ösdürmäge badalga beren gymmatlykdyr.
Eziz Diýarymyzyň Garaşsyzlygynyň 34 ýyllygy ata-babalarymyzyň arzuwlarynyň hasyl bolmagynyň, häzirki nesilleriň bagtyýar durmuşynyň we geljekki ösüşleriň gözbaşydyr. Bu baýram biziň üçin soňlanmajak aýdym-saz, arşa göterilen buýsanç we belent maksatlara bolan ynamdyr.
Türkmen halkynyň asuda, parahat, agzybir durmuşda ýaşamagy ugrunda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli tutumly işleriniň rowaçlyklara beslenmegini tüýs ýürekden arzuw edýäris.
Hallygözel AGAMYRADOWA,
Türkmenistanyň Magtymguly adyndaky Ýaşlar
guramasynyň Mary welaýatynyň Baýramaly etrap Geňeşiniň
Guramaçylyk bölüminiň sanly ulgam boýunça esasy hünärmeni.
