Golaýda Mary welaýatynyň Sakarçäge etrabynyň 1-nji çagalar bakja-bagynda «Ertekiler dünýäsine syýahat» ady bilen çäre geçirildi. Çäräni Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşi bilen Sakarçäge etrabynyň 1-nji çagalar bakja-bagy bilelikde guradylar. Çäräniň maksady körpe nesliň wekillerini halk döredijiligi bilen ýakyndan tanyşdyrmakdan we olaryň edep-ekramly nesiller bolup ýetişmeklerini gazanmakdan ybaratdyr.
Çärede mugallymlar körpejelere türkmen halk ertekilerini aýdyp berdiler. Çagalaryň erteki gahrymanlarynyň şekilleri bilen tanyşlygy örän täsirli boldy. Şeýle-de körpejeler bilen erteki gahrymanlarynyň häsiýetleri dogrusynda pikir alyşmak çäräniň terbiýeçilik ähmiýetini has-da artdyrdy. Şeýle çäreleriň geçirilmegi çagalaryň edep-terbiýeli nesiller bolup ýetişmeginde möhüm orun eýeleýär.
Çäräniň ahyrynda oňa gatnaşanlar ata Watanymyzy çagalaryň arzuwlarynyň hasyl bolýan ýurduna öwüren Gahryman Arkadagymyza we Arkadagly Gahryman Serdarymyza çäksiz alkyş sözlerini beýan etdiler.
Çynar HOŞGELDIÝEWA,
Türkmenistanyň Magtymguly adyndaky Ýaşlar guramasynyň
Mary welaýatynyň Sakarçäge etrap Geňeşiniň
Guramaçylyk bölüminiň esasy hünärmeni.
