Ýakynda Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň Aşgabat şäher Baş bilim müdirligi bilen bilelikde gurnamagynda Aşgabat şäheriniň 132-nji orta mekdebiniň foýesinde etrabyň çäginde ýerleşýän orta mekdeplerinde döredijilik bilen meşgullanýan okuwçylaryň gatnaşmaklarynda Türkmenistanyň Bilim ministrligi, Türkmenistanyň Parahatçylyk gaznasynyň müdiriýeti, Türkmenistanyň Magtymguly adyndaky Ýaşlar guramasynyň Merkezi Geňeşi, «Güneş» žurnalynyň redaksiýasy tarapyndan ýurdumyzyň umumybilim berýän mekdepleriniň 4-12-nji synplarynda okaýan okuwçylarynyň arasynda «Parahatçylyk: çagalaryň sesi» atly döredijilik bäsleşiginiň Aşgabat şäher tapgyry geçirildi.
.jpg)
Gyzykly geçen bäsleşigiň baş maksady Berkarar döwletiň täze eýýamynyň Galkynyşy döwründe ýaş nesli watançylyk, parahatsöýüjilik we ynsanperwerlik ruhunda hem-de milli gymmatlyklarymyzyň esasynda terbiýelemekden, ýurdumyzyň ýaşlarynyň tebigy zehinlerini ýüze çykarmakdan we olaryň döredijilik ukyplaryny ösdürmekden, ýaşlaryň arasynda parahatçylyk, hoşniýetli goňşuçylyk medeniýetini giňden wagyz etmekden, çagalaryň Garaşsyz, hemişelik Bitarap Watanymyza bolan egsilmez buýsançlaryny aýan etmek arkaly bagtyýar çagalar öz zehin-ussatlyklaryny görkezdiler. Bäsleşigiň «Dünýä dursun parahat!» diýen temada ýazan düzmeleri, çeken suratlary we maketleriniň görnüşleri boýunça zehinli çagalar öz döredijilik ukyplaryny görkezdiler. Täsirli geçen bäsleşigiň ahyrynda ýeňiji bolanlara we oňa gatnaşan zehinli okuwçylara Türkmenistanyň Magtymguly adyndaky Ýaşlar guramasynyň Aşgabat şäher Geňeşi tarapyndan sowgatlar dabaraly ýagdaýda gowşuryldy.
.jpg)
Döredijilik bäsleşiginiň ahyrynda oňa gatnaşanlar, ýurdumyzyň ösüşleri, parahatsöýüjilikli ýörelgeleri, döwletimizde durmuşa geçirilýän beýik özgertmeleri üçin türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza çäksiz alkyş sözlerini beýan etdiler.
Gülälek BAÝRAMALYÝEWA,
Türkmenistanyň Magtymguly adyndaky Ýaşlar guramasynyň
Aşgabat şäher Geňeşiniň Medeniýet we köpçülikleýin
habar beriş bölüminiň baş hünärmeni.
