Türkmenistanyň Magtymguly adyndaky Ýaşlar guramasynyň Balkan welaýatynyň Gyzylarbat etrap Geňeşiniň gurnamagynda 1-nji sport mekdebiniň okuwçylarynyň arasynda ýaşlary ýaman endiklerden daşda durmaklaryny, ýaş nesilleri sagdyn durmuş ýörelgesine çekmek we sportuň dürli görnüşleri bilen meşgullanmaklaryny gazanmak maksady bilen «Sagdynlyk – baş ýörelgämiz» ady bilen küşt boýunça bäsleşik geçirildi.
Geçirilen bäsleşik gyzgalaňly ýagdaýda dowam edip, ýaşlarymyz öz ukyp-başarnyklaryny ussatlyk bilen görkezdiler. Gyzykly ýagdaýda geçirilen ýaryşyň netijesinde ussatlyk bilen ýeňiş gazanan ýaşlara Türkmenistanyň Magtymguly adyndaky Ýaşlar guramasynyň Balkan welaýatynyň Gyzylarbat etrap Geňeşi tarapyndan ýadygärlik sowgatlar gowşuryldy.
Bäsleşigiň ahyrynda oňa gatnaşanlar, ýaş nesillere giň mümkinçilikleri döredip berýän Gahryman Arkadagymyza we Arkadagly Gahryman Serdarymyza çäksiz alkyş sözlerini aýtdylar.
Gülruh NAZAROWA,
Türkmenistanyň Magtymguly adyndaky Ýaşlar guramasynyň
Balkan welaýatynyň Gyzylarbat etrap Geňeşiniň
Guramaçylyk bölüminiň esasy hünärmeni.
