Berkarar döwletiň täze eýýamynyň Galkynyşy döwründe ýurdumyzda ylym-bilim ulgamy döwlet syýasatynyň ileri tutulýan ugurlarynyň biri hökmünde ösdürilýär. Garaşsyzlyk ýyllarynda ýurdumyzda kämil bilim ulgamy döredildi. Onda täzeçil usullar işjeň ornaşdyrylyp, okuw maksatnamalary yzygiderli döwrebaplaşdyrylýar. Okuw kitaplarydyr-gollanmalary many-mazmun taýdan baýlaşdyrylýar. Ýaşlaryň giň gözýetimli, täzeçe pikirlenmegi başarýan, döwrüň ösen talaplaryna laýyklykda innowasiýalara esaslanyp ykdysadyýeti ösdürmäge goşant goşup bilýän ýaşlary terbiýeläp ýetişdirmäge, olaryň sazlaşykly ösmegine, ýokary hilli bilim almaklaryna, gönükdirlen toplumlaýyn çäreler amala aşyrylýar.
Arkadagly Gahryman Serdarymyzyň taýsyz tagallalary netijesinde bilim ulgamy ösdürilip, bagtyýar ýaşlaryň öz saýlap alan hünäri boýunça kämilleşmegi üçin oňaýly şertleriň döredilmegi, zehinli ýaşlara goldaw bermek, olaryň döredijilik işjeňligini kemala getirmek bu ugurda amala aşyrylýan giň gerimli işleriň esasyny düzýär.
Ýurdumyzyň gülläp ösmegi, halkymyzyň bagtyýar durmuşda ýaşamagy we ýaş nesillerimiziň dünýä derejesinde ylym-bilim almagy üçin şert-mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli, döwlet ähmiýetli belent başlangyçlarynyň hemişe rowaçlyklara beslenmegini arzuw edýäris.
Ismaýil ÝAKUBOW,
Türkmenistanyň Magtymguly adyndaky Ýaşlar guramasynyň
Aşgabat şäheriniň Berkararlyk etrap Geňeşiniň başlygy.
