Türkmenistanyň Magtymguly adyndaky Ýaşlar guramasynyň Daşoguz welaýatynyň S.A.Nyýazow adyndaky etrap Geňeşi, 4-nji hünär-tehniki okuw mekdebiniň talyplarynyň gatnaşmagynda “Agzybir maşgala – berkarar döwlet” atly wagyz-nesihat duşuşygyny geçirdi. Duşuşykda TMÝG-niň ýerli Geňeşiniň wekilleri we hünär-tehniki okuw mekdebiniň mugallymlary çykyş etdiler. Çykyşlarda, ýaşlarda maşgala mukaddesligine söýgi döretmek we maşgalanyň at-abraýyny saklamak barada giňişleýin bellenip geçildi. Duşuşyga gatnaşyjylar, ýaşlara okamaga, öwrenmäge, zähmet çekmäge giň mümkinçilikleri döredip berýän hormatly Prezidentimize ýüreklerden çykýan hoşallyklaryny beýan etdiler.
