Şu günler Arkadag şäheriniň çäginde hereket edýän edara-kärhanalarda, bilim ojaklarynda, jemgyýetçilik ýerlerinde her ýylyň sentýabr aýynyň birine badalga alýan «Ýol hereketiniň howpsuzlygy – ömrümiziň rahatly» atly biraýlygyň çäklerinde wagyz-nesihat işleri giň gerime eýe bolýar.
Arkadag şäheriniň häkimliginiň, Arkadag şäheriniň Polisiýa müdirliginiň, Türkmenistanyň Kärdeşler arkalaşyklarynyň Arkadag şäheriniň birleşmesiniň, Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň bilelikde tassyklan meýilnamasy esasynda geçirilýän çäreler hem möhüm ähmiýete eýedir. Harby we hukuk goraýjy edaralaryň, jemgyýetçilik guramalarynyň, il sylagly ýaşulularyň gatnaşmagynda geçirilýän bu çäreleriň çäklerinde ýaşlar köpçüligine köçe we ýol hereketleriniň düzgünleri, hereketleriň sazlaşygy, bu ugurda kabul edilýän kanunçylyk namalary dogrusynda täsirli gürrüňler edilýär.
Arkadag şäheriniň iňlis dili dersine ýöriteleşdirilen 2-nji orta mekdebinde geçirilen wagyz-nesihat çäresi hem hut şol maksatlardan ugur aldy. Bagtyýar mekdep okuwçylarynyň gatnaşmagynda geçirilen çärede sorag-jogaplara hem giň orun berildi. Olar özlerini gyzyklandyrýan sowallara kanagatlanarly jogaplary aldylar.
Umyda KAKAÝEWA,
TMÝG-niň Arkadag şäheriniň Geňeşiniň bölüm müdiri.
