Düýn Arkadag şäheriniň Jemgyýetçilik guramalarynda Arkadag şäheriniň häkimliginiň, Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň, Türkmenistanyň Kärdeşler arkalaşyklarynyň Arkadag şäheriniň birleşmesiniň, Arkadag şäheriniň medeniýet müdirliginiň bilelikde guramagynda Arkadag şäheriniň döwrebap mümkinçiliklerini ýaşlara wagyz etmek hem-de ýaş nesilleriň ukyp-başarnyklaryny Watanymyzyň ösüşine gönükdirmek maksady bilen «Arkadag şäheri – bagtyýar ýaşlaryň şäheri» atly aýdym-sazly maslahat geçirildi. Oňa edara-kärhanalarda zähmet çekýän, okap bilim alýan bagtyýar ýaşlar gatnaşdylar.
Maslahatda buýsançly söhbetler bilen birlikde aýdym-sazly çykyşlar ýokary ruhubelentlikde ýerine ýetirildi. Olaryň her birinde mähriban Watanymyza, ene topragymyza, bagtyýar şu günümize çuňňur söýgi aýdyň duýulýar.
Umyda KAKAÝEWA,
TMÝG-niň Arkadag şäheriniň Geňeşiniň bölüm müdiri.
