Ýakynda Arkadag şäheriniň Jemgyýetçilik guramalarynda Arkadag şäheriniň häkimliginiň, Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň, Türkmenistanyň Kärdeşler arkalaşyklarynyň Arkadag şäheriniň birleşmesiniň, Arkadag şäheriniň medeniýet müdirliginiň bilelikde guramagynda aýdym-sazly maslahat geçirildi.
Arkadag şäheriniň döwrebap mümkinçiliklerini ýaşlara wagyz etmek hem-de ýaş nesilleriň ukyp-başarnyklaryny Watanymyzyň ösüşine gönükdirmek maksady bilen geçirilen bu maslahat «Arkadag şäheri – bagtyýar ýaşlaryň şäheri» ady bilen geçirildi. Oňa Arkadag şäheriniň çäginde hereket edýän edara-kärhanalarda zähmet çekýän, okap bilim alýan bagtyýar ýaşlar gatnaşdylar. Ýaňlanan şirin aýdym-sazlarda, ýerine ýetirilen çykyşlarda Berkarar döwletiň belent waspy beýan edildi hem-de Gahryman Arkadagymyza, Arkadagly Gahryman Serdarymyza alkyş sözleri aýdyldy.
Umyda KAKAÝEWA,
TMÝG-niň Arkadag şäheriniň
Geňeşiniň bölüm müdiri.
