Şu gün Berdimuhamet Annaýew adyndaky Arkadag şäher mugallymçylyk orta hünär okuw mekdebinde Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň, Türkmenistanyň Kärdeşler arkalaşyklarynyň Arkadag şäheriniň birleşmesiniň, Türkmenistanyň Agrar partiýasynyň Arkadag şäheriniň komitetiniň, Türkmenistanyň Demokratik partiýasynyň Arkadag şäheriniň komitetiniň, Türkmenistanyň Senagatçylar we telekeçiler partiýasynyň Arkadag şäheriniň komitetiniň bilelikde guramaklarynda «Halk maslahaty – kämil geljegi gurmagyň möhüm ýoly» atly wagyz-nesihat çäresi geçirildi. Wagyz-nesihat çäresinde çykyş edenler Mukaddes Garaşsyzlygymyzyň 33 ýyllyk toýunyň toýlanylýan günlerinde geçiriljek Halk Maslahatynyň nobatdaky Mejlisine görülýän taýýarlyk işleri, bu syýasy-jemgyýetçilik çäräniň ähmiýeti, şeýle hem halk demokratiýasynyň dabaralanmagyna ýaşlaryň işjeň gatnaşmagy babatda täsirli gürrüňleri etdiler.
Şeýle hem maslahatda şu günler ýurdumyzda gyzgalaňly dowam edýän «Ýol hereketiniň howpsuzlygy – ömrümiziň rahatlygy» atly biraýlygyň ähmiýeti dogrusynda hem bellenilip geçildi. Talyp ýaşlary ýurdumyzda geçirilýän syýasy çärelere işjeň gatnaşmaga çagyryldy.
Umyda KAKAÝEWA,
TMÝG-niň Arkadag şäheriniň
Geňeşiniň bölüm müdiri.
