Golaýda Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasynyň gurnamagynda «Türkmennebit» döwlet konserniniň Balkanabat nebitçilik orta hünär okuw mekdebiniň talyp ýaşlarynyň arasynda «Ýol abatlygy-il abatlygy» atly şygar bilen wagyz-nesihat çäresi geçirildi. Berkarar döwletiň täze eýýamynyň Galkynyşy döwründe «Pähim-paýhas ummany Magtymguly Pyragy» ýylynyň sentýabr aýynyň dowamynda geçirilýän «Ýol hereketiniň-howpsuzlygy-ömrümiziň rahatlygy» atly biraýlygyň çäklerinde talyp ýaşlaryň arasynda ýol hereketiniň düzgünlerini doly we dogry berjaý etmeklerini gazanmak maksady bilen geçirilen wagyz-nesihat çäresinde giň mazmunly çykyşlara orun berildi.
Çykyş edenler ýurdumyzda ýaşlaryň ýol hereketiniň kadalarynyň doly berjaý edilmegi, ýol hereketiniň düzgünleri dogrusynda giňişleýin gürrüň berip, ýaşlary hemişe ähli ýerde ýol hereketiniň düzgünlerini berk berjaý etmeklige çagyrdylar.
Baýramgül ESENOWA,
TMÝG-niň «Türkmennebit» döwlet konserniniň
şahamçasynyň guramaçylyk bölüminiň müdiri.
