Türkmenistanyň Halk Maslahatyny guramaçylykly geçirmäge taýýarlyk görmek, bu umumy milli forumyň ähmiýetini ýaşlaryň arasynda wagyz etmek maksady bilen Halaç Çeper halyçylyk kärhanasynda wagyz-nesihat duşuşygyny geçirdik. «Türkmenistanyň Halk Maslahaty — halkyň daýanjy, Milli Lider – milletiň buýsanjy» diýen at bilen guralan bu duşuşykda hormatly Prezidentimiziň mukaddes Garaşsyzlygymyzyň 33 ýyllygynyň öňýanynda geçiriljek Türkmenistanyň Halk Maslahatynyň mejlisine ýokary derejede taýýarlyk görmek boýunça öňde goýan wezipelerini üstünlikli amal etmäge bagyşlandy.
Duşuşykda ilkinji ýaşlar guramalaryň işjeň agzalary çykyş edip, halkymyzyň ýaşaýyş-durmuş derejesini yzygiderlikde ýokarlandyrmakda, halk bilen döwletiň sazlaşykly işini dowam etdirmekde Halk Maslahatynyň mejlisleriniň aýratyn ähmiýete eýedigini nygtadylar. Çykyşlarda döwletlilik ýörelgeleriniň dowamat-dowam bolýan döwründe geçiriljek bu nobatdaky mejlisde döwletimiziň okgunly ösüşini mundan beýläk-de üpjün etmek, raýat jemgyýetini berkarar etmek, halkymyzyň bagtyýarlygyny gazanmak ugrunda döwletli çözgütleriň kabul ediljekdigine uly ynam bildirildi. Çärä gatnaşyjylar Gahryman Arkadagymyza we Arkadagly Gahryman Serdarymyza alkyş sözlerini beýan etdiler.
Ýaraş HAÝYTOW,
TMÝG-niň Lebap welaýatynyň
Halaç etrap Geňeşiniň başlygy.
