Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Bagtyýarlyk etrap Geňeşiniň gurnamagynda A.S.Puşkin adyndaky döwlet rus drama teatrynda şanly Garaşsyzlygymyzyň 33 ýyllyk toýy mynasybetli, ýaşlaryň medeniýetli dynç almaklaryny gazanmak maksady bilen sahna oýny görkezildi. Dürli ulgamlarda zähmet çekýän ýaşlaryň tomaşa etmeginde görkezilen sahna oýny örän täsirli bolup, artistler özlerine berlen keşbi ussatlarça ýerine ýetirdiler. Oýun görkezilenden soňra teatryň artistleri bilen tomaşaçylaryň arasynda sorag-jogap alşyldy.
Altyn DURDYÝEWA,
TMÝG-niň Aşgabat şäheriniň Bagtyýarlyk etrap
Geňeşiniň Guramaçylyk bölüminiň esasy hünarmeni.
