Kerki etrabyndaky 36-njy orta mekdepde «Pähim-paýhas ummany Magtymguly Pyragy» ýylynda Halkara Bitaraplyk güni mynasybetli Türkmenistanyň Bilim ministrligi, Türkmenistanyň Parahatçylyk gaznasynyň müdiriýeti, Türkmenistanyň Magtymguly adyndaky Ýaşlar guramasynyň Merkezi Geňeşi hem-de «Güneş» žurnalynyň redaksiýasy tarapyndan ýurdumyzyň umumybilim berýän mekdepleriniň 4-12-nji synplarynda okaýan okuwçylaryň arasynda «Parahatçylyk: çagalaryň sesi» ady bilen yglan edilen döredijilik bäsleşiginiň Kerki etrap tapgyryny geçirdik. Bäsleşige etrabymyzyň orta mekdeplerinde bilim alýan we döredijilik bilen meşgullanýan ýaşlar öz işleri bilen gatnaşdylar. Eminler topary ýaşlaryň bäsleşige hödürlän işleri boýunça olaryň ussatlyklaryna we kämilliklerine mynasyp baha berdiler we ýeňijileri kesgitlediler.
Bäsleşigiň maket ýasamak şerti boýunça Kerki etrabyndaky 8-nji orta mekdebiň okuwçysy Myrat Şöhradow I, etrabyň 12-nji orta mekdebiniň okuwçysy Enejan Dosowa II, etrabyň 19-njy orta mekdebiniň okuwçysy Muhammet Batyrow III orunlara mynasyp boldular.
Bäsleşigiň surat çekmek şerti boýunça Kerki etrabyndaky 17-nji orta mekdebiň okuwçysy Şatlyk Seýidow, etrabyň 27-nji orta mekdebiniň okuwçysy Maýsa Azymowa we etrabyň 14-nji orta mekdebiniň okuwçysy Şöhle Gündogdyýewa degişlilikde birinji, ikinji we üçünji baýrakly orunlary eýelediler.
Kerki etrabyndaky 17-nji orta mekdebiniň okuwçysy Gülsiýar Temirowa, etrabyň 27-nji orta mekdebiniň okuwçysy Aýgül Döwletgeldiýewa we etrabyň 27-nji orta mekdebiniň okuwçysy Jemal Hudaýberdiýewa dagylar bolsa bäsleşigiň düzme ýazmak şerti boýunça ýeňijiler diýlip kesgitlenildiler. Ýeňijileri Türkmenistanyň Magtymguly adyndaky Ýaşlar guramasynyň Kerki etrap Geňeşi tarapyndan hormat hatlary bilen sylagladyk.
Atajan JORAÝEW,
TMÝG-niň Lebap welaýatynyň Kerki etrap
Geňeşiniň Guramaçylyk bölüminiň müdiri.
