Golaýda Türkmenistanyň Magtymguly adyndaky Ýaşlar guramasynyň Balkanabat şäher Geňeşiniň hem-de «Türkmennebit» döwlet konserniniň şahamçasynyň bilelikde guramaklarynda «Türkmennebit» döwlet konserniniň Balkanabat nebitçilik orta hünär okuw mekdebinde ýaşlaryň sagdyn durmuş ýörelgesine eýermeklerini hem-de ýaşlaryň watansöýüjilik, halallyk, päkýüreklilik, arassa ahlaklylyk, zähmetsöýerlik ruhunda terbiýelenmeklerini gazanmak, sportuň adam saglygyna ýetirýän oňaýly täsirini düşündirmek maksady bilen, «Sagdyn durmuş-ruhubelent ýörelge» atly şygar astynda wagyz-nesihat çäresi geçirildi.
Çärede çykyş edenler ýaşlaryň durmuş goraglylygynyň üpjünçiligine, bilim derejeleriniň ýokarlandyrylmagyna, olaryň sagdyn durmuş ýörelgesine eýermeklerine, köpçülikleýin çärelere işjeň gatnaşmaklaryna aýratyn üns berilýändigi barada giňişleýin gürrüň berdiler. Çäräniň dowamynda Gahryman Arkadagymyza we hormatly Prezidentimiz Arkadagly Gahryman Serdarymyza alkyş sözleri aýdyldy.
Oraz MÄMMEDOW,
TMÝG-niň Balkanabat şäher Geňeşiniň
guramaçylyk bölüminiň esasy hünärmeni.
