Bir topar çopan oduň başynda üýşüp, çaý içip oturan ekenler. Ot güwläp tutaşypdyr. Emma oturanlardan biri şonda-da oturyp bilmän, ody gorjap, ölçerişdirip oturanmyşyn. Ýoldaşlaryndan biri oňa:
– A-how, dost, dek otursan-a, tutaşan ody ölçerseň, öçer ahyry! Könelerimiz: «Ody gozgasaň öçer, goňşyny gozgasaň göçer» diýip aýdypdyrlar-a diýipdir. Ýaňky kesir bolsa, eşitse-de, eşitmezlige salyp, ölçermegini dowam edipdir. Halys bolmanyndan soň, ýanynda oturanlaryň biri onuň elinden kesewini alyp, bir tarapa zyňyp goýberipdir. Emma ol uzak saklanyp bilmän, bir kesindini eline alyp, ýene-de ölçerip başlapdyr. Teý-ahyr bolmanyndan soň, ýoldaşlary onuň el-aýagyny güýlüp taşlapdyrlar. Ol kesir güýlüngi ýatan ýerinden, oda seredip:
– Ho-ol bärkije kesindini aňyrky töňňäniň üstüne atsaňyzlaň!–diýip gygyrypdyr.
GAHRYMAN ARKADAGYMYZYŇ
«TÜRKMENIŇ DÖWLETLILIK ÝÖRELGESI» KITABYNDAN
