Golaýda Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşi hem-de etrap bilim bölümi bilen bilelikde guramagynda Türkmenistanyň hemişelik Bitaraplygynyň 29 ýyllygy mynasybetli ýurdumyzyň umumybilim berýän mekdepleriniň 3-5-nji synplarynda okaýan okuwçy oglanlaryň arasynda «Merdana nesil - 2024» atly bäsleşigi Ýolöten etrap tapgyry geçirildi.
Bäsleşikde baýrakly orunlary eýelän we işjeň gatnaşan okuwçylar TMÝG-niň Mary welaýatynyň Ýolöten etrap Geňeşiniň Hormat hatlary we ýadygärlik sowgatlary bilen sylaglandy.
Bäsleşigiň ahyrynda oňa gatnaşanlar ýaşlaryň ukyp-başarnyklaryny açyp görkezmekde uly mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Jennet ORAZOWA,
TMÝG-niň Mary welaýatynyň Ýolöten etrap
Geňeşiniň Guramaçylyk bölüminiň müdiri.
