Türkmenistanyň Bilim ministrliginiň we Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde guramagynda ýurdumyzyň orta mekdepleriniň 3-5-nji synplarynda okaýan okuwçy oglanlaryň arasynda «Merdana nesil-2024» atly bäsleşik Baýramaly şäheriniň medeniýet öýünde geçirildi.
Biri-birinden zehinli okuwçy oglanlar bäsleşigiň şertlerine laýyklykda öz aralarynda bäsleşip, ukyp-başarnyklaryny ussatlyk bilen görkezdiler. Ýerine ýetirilen çykyşlar ruhubelent okuwçylaryň ýokary taýýarlyk derejelerini äşgär etdi. Bäsleşikde baýrakly orunlara mynasyp bolan okuwçy oglanlara Türkmenistanyň Magtymguly adyndaky Ýaşlar guramasynyň Mary welaýatynyň Baýramaly şäher Geňeşi tarapyndan Hormat hatlary we ýadygärlik sowgatlary dabaraly ýagdaýda gowşuryldy.
Çäräniň ahyrynda oňa gatnaşanlar Gahryman Arkadagymyza, Arkadagly Gahryman Serdarymyza berk jan saglyk, uzak ömür, alyp barýan beýik işlerinde uly üstünlikler arzuw etdiler.
Maksatgeldi ANNAMYRADOW,
TMÝG-niň Mary welaýatynyň
Baýramaly şäher Geňeşiniň uly buhgateri.
