Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşiniň guramagynda Kerki etrabynyň ýöriteleşdirilen 36-njy orta mekdebinde etrabyň orta mekdepleriniň 7—12-nji synp okuwçy oglan-gyzlarynyň arasynda «Garaşsyz Diýarda joşgunly ýaşlar—2024» atly bäsleşigiň Kerki etrap tapgyry geçirildi. Bäsleşikde okuwçy oglan-gyzlar 3 şert boýunça bäsleşdiler. Bäsleşige Kerki etrap bilim bölüminiň hünärmeni Ý.Astanakulow, Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşiniň guramaçylyk bölüminiň sanly ulgam boýunça hünärmeni O.Aşirowa, etrabyň ýöriteleşdirilen 36-njy orta mekdebiniň mugallymy A.Muradow eminlik etdiler.
Bäsleşikde Kerki etrabynyň 2-nji orta mekdebiniň okuwçysy Leýli Öwlýagulyýewa birinji, etrabyň 22-nji orta mekdebiniň okuwçysy Agajan Kerimow ikinji baýrakly orunlary eýelediler. Etrabyň ýöriteleşdirilen 36-njy orta mekdebiniň okuwçysy Merjen Begalyýewa, 29-njy orta mekdebiň okuwçysy Agahan Rähmetkulow, 32-nji orta mekdebiň okuwçysy Şöhrat Zairow dagylar bäsleşikde üçünji orna mynasyp boldular. Bäsleşikde ýeňiji bolan okuwçylara Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşi tarapyndan hormat hatlary we ýadygärlik sowgatlary gowşuryldy.
Arzuw Rahmanowa,
TMÝG-niň Lebap welaýatynyň
Kerki etrap Geňeşiniň başlygy.
