Ýakynda Türkmenistanyň Magtymguly adyndaky Ýaşlar guramasynyň Balkan welaýat Geňeşiniň, şeýle hem welaýatyň hukuk goraýjy edaralary bilen bilelikde guramagynda Balkan welaýat lukmançylyk orta hünär mekdebinde wagyz-nesihat duşuşygy geçirildi.
Çärede çykyş edenler hormatly Prezidentimiziň parasatly baştutanlygynda ýaşlar barada edilýän uly aladalar, ýetip gelýän Täze ýyl baýramçylygynda partlaýjy maddalardan daşda durmak, zyýanly serişdeleri ulanmazlyk barada giňişleýin gürrüň etdiler.
Çäräniň ahyrynda oňa gatnaşanlar halkymyzyň abadan we bagtyýar durmuşda ýaşamagynyň, ählumumy parahatçylygyň hem-de ösüşiň bähbidine gönükdirilen beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Oguljeren ÇENDIROWA,
TMÝG-niň Balkan welaýat Geňeşiniň
Guramaçylyk bölüminiň baş hünärmeni.
