Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Gyzylarbat etrap Geňeşiniň we Gyzylarbat etrap häkimliginiň bilelikde guramagynda «Mukam» toý mekanynda Täze ýyl baýramy mynasybetli etrabyň ähli pudaklarynda zähmet çekýän ýaşlaryň gatnaşmagynda «Hoş geldiň täze ýyl, eziz Diýara» atly şygar bilen aýdym-sazly baýramçylyk dabarasy geçirildi.
Gyzylarbat etrabynyň Medeniýet we sungat ussatlary Watanymyzy, wasp edýän aýdymdyr sazlary, tanslary we goşgulary ýerine ýetirdiler. Baýramçylyk dabarasyna bagtyýar enelerimiz, edara-kärhanalarda zähmet çekýän ýaşlar, sportda üstünlikleri we ýeňişleri gazanan mekdep okuwçylary, çagalar bagynyň körpeleri hem gatnaşdylar
Baýramçylyk dabarasyna gatnaşanlar Gahryman Arkadagymyzyň dowamatyny dowam edýän Arkadagly Gahryman Serdarymyzyň il-ýurt ähmiýetli alyp barýan işleriniň hemişe rowaçlyklara beslenmegini, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Güljahan GARAÝEWA,
TMÝG-niň Balkan welaýatynyň Gyzylarbat etrap
Geňeşiniň Guramaçylyk bölüminiň esasy hünärmeni.
