Ýakynda Türkmenistanyň Magtymguly adyndaky Ýaşlar guramasynyň Balkanabat şäher Geňeşi Balkanabat şäheriniň hukuk goraýjy edaralary bilelikde «Türkmennebit» döwlet konserniniň Balkanabat nebitçilik orta hünär okuw mekdebinde wagyz-nesihat duşuşygyny geçirdi.
Duşuşykda çykyş edenler sagdyn durmuş ýörelgeleri, ýaşlaryň ahlak terbiýesi, olaryň öz hukuklaryna we borçlaryna dogry düşünmekleri, şeýle hem, Täze ýyl baýramçylygyny ýokary guramaçylykly geçirmek, hukuk bozulmalarynyň öňüni almak barada giňişleýin belläp geçdiler.
Duşuşygyň ahyrynda oňa gatnaşanlar halkymyzyň abadan we bagtyýar durmuşda ýaşamagy üçin beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Meňli GOÇMÄMMEDOWA,
TMÝG-niň Balkanabat şäher
Geňeşiniň uly buhgalteri.
