Ýakynda Türkmenistanyň Magtymguly adyndaky Ýaşlar guramasynyň Magtymguly etrap Geňeşiniň etrap Häkimligi, Bilim bölümi bilen bilelikde guramagynda Magtymguly etrabynyň 19-njy orta mekdebiniň mejlisler zalynda täze 2025-nji ýylyň «Halkara parahatçylyk we ynanyşmak ýyly» diýlip atlandyrylmagy mynasybetli hem-de Arkadagly Gahryman Serdarymyzyň öz halkyna peşgeş beren «Magtymguly – dünýäniň akyldary» atly ajaýyp eserini tanyşdyrmak maksady bilen edara-kärhanalarynyň we bilim işgärleriniň arasynda maslahat duşuşygy geçirildi.
Duşuşykda çykyş edenler: «Bu ýylyň şygarynyň «Halkara parahatçylyk we ynanyşmak» ýyly diýlip yglan edilmegi eziz Watanymyzyň parahatçylygy pugtalandyrmaga, durnukly ösüşi üpjün etmäge ynsanperwer çemeleşýändigini aýdyň beýan edýär» diýip buýsanç bilen belläp geçdiler .
Maslahat duşuşygynyň ahyrynda oňa gatnaşanlar halkymyzy eşretli eýýamda ýaşadýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, tutýan tutumly işleriniň rowaçlyklara beslenmegini arzuw etdiler.
Mämmet MÄMMEDOW,
Türkmenistanyň Magtymguly adyndaky
Ýaşlar guramasynyň Magtymguly etrap
Geňeşiniň başlygy.
