«Halkara parahatçylyk we ynanyşmak» ýylynyň ilkinji günlerinde Türkmenistanyň Magtymguly adyndaky Ýaşlar guramasynyň Lebap welaýatynyň Halaç etrap Geňeşi, Halaç etrap Polisiýa bölümi hem-de Halaç etrabynyň Bedenterbiýe we sport bölümi bilen bilelikde gurnamagynda etrabyň 3-nji sport mekdebinde «Bedenterbiýe we Sport – sagdyn durmuşyň gözbaşy» ady bilen ýaşlaryň bedenterbiýä we köpçülikleýin sporta bolan höwesini artdyrmak maksady bilen, ýaş sport söýüjileriň gatnaşmagynda sportuň dürli görnüşleri boýunça ýaryşlar geçirildi.
Netijede ýaryşyň woleýbol görnüşi boýunça, etrabyň 13-nji orta mekdebiniň ýygyndy toparynyň woleýbolçylary, futbol görnüşi boýunça, etrabyň 8-nji orta mekdebiniň ýygyndy toparynyň futbolçylary. Şaşka-şahmat boýunça I orna etrabyň 1-nji orta mekdebiniň 9-njy synp okuwçysy Atajan Meýlisow, II orna 3-nji orta mekdebiniň 8-nji synp okuwçysy Yslam Röwşenow, III orna 1-nji orta mekdebiniň 11-nji synp okuwçysy Atajan Nurow dagylar mynasyp boldular. Bäsleşigiň ýeňijilerine Halaç etrabynyň Bedenterbiýe we sport bölüminiň hormat hatlary, Türkmenistanyň Magtymguly adyndaky Ýaşlar guramasynyň Lebap welaýatynyň Halaç etrap Geňeşiniň ýadygärlik sowgatlary bilen sylaglandylar.
Şirinaý ÖWLÝAGULYÝEWA,
Türkmenistanyň Magtymguly adyndaky
Ýaşlar guramasynyň Halaç etrap Geňeşiniň
Guramaçylyk bölüminiň sanly ulgam
boýunça esasy hünärmeni.
