Bedew bady bilen öňe barýan eziz diýarymyzyň her bir güni şatlykly wakalara beslenýär. Şeýle şatlykly wakalaryň ýene biri hem Hormatly Prezidentimiz Serdar Berdimuhamedowyň 2024-nji «Pähim paýhas ummany Magtymguly Pyragy» ýylynyň jemlenmegi bilen baglylykda, «Magtymguly – dünýäniň akyldary» atly kitabynyň çapdan çykmagy boldy. Bu kitap ähli halkymyz we giň okyjylar köpçüligi üçin bahasyna ýetip bolmajak ajaýyp sowgat boldy. Döwlet Baştutanymyzyň «Magtymguly – dünýäniň akyldary» atly täze işinde beýik akyldar şahyrymyzyň ömrüni, edebi mirasyny öwrenmäge goşant goşan zehinli alymlaryň, professorlaryň, edebiýatçylaryň, daşary ýurtly bilermenleriň atlarynyň agzalyp, olaryň bitiren işlerine baha berilmegini aýratyn bellemek gerekdir. Ynha biz hem Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşi tarapyndan Çärjew etrap häkimliginde etrap häkimligi bilen bilelikde 35015 harby bölüminde zähmet çekýän ýaşlaryň gatnaşmaklarynda Hormatly Prezidentimiziň «Magtymguly – dünýäniň akyldary» atly kitabyny ýaşlaryň arasynda wagyz etmek maksady bilen «Ylymlaryň şamçyragy» atly wagyz-nesihat duşuşygyny geçirdik. Çäräniň gatnaşyjylar özleriniň çykyşlarynda, ilki bilen şeýle ajaýyp kitaby sowgat edendigi üçin Hormatly Prezidentimiz Serdar Berdimuhamedowa tüýs ýürekden hoşallyk we alkyş sözleri aýtdylar hem-de döwlet Baştutanymyzyň eserleriniň höwrüniň köp, döwet galamynyň has-da ýiti bolmagyny arzuw etdiler.
Azat MAMEDOW
Türkmenistanyň Magtymguly adyndaky
Ýaşlar guramasynyň Lebap welaýatynyň
Çärjew etrap Geňeşiniň başlygy.
