Golaýda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň guramagynda etrabyň 7-nji çagalar bagynda «Bagtyýar çagalygym» atly aýdym-sazly çäre geçirildi.
Dabara gatnaşan körpeler Watanymyzy, halkymyzy, bagtyýar çagalygy wasp edýän aýdymdyr sazlary, goşgulary bilen çykyş etdiler. Çagalaryň ýerine ýetiren küştdepdi tansy tomaşaçylaryň gyzgyn el çarpyşmalaryna mynasyp boldy. Çärede işjeň çykyş eden körpeler Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň Hormat hatlary bilen sylaglanyldy.
Çäräniň ahyrynda oňa gatnaşan kalplary buýsançdan doly çagalar Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Sähra UMMALYÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň esasy
hünärmeni.
