Golaýda Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşi tarapyndan Köýtendag etrabynyň Dostluk şäher kitaphanasynda okuwçy ýaşlaryň arasynda millilik, edep-ekram, maşgala agzybirligini, nesil terbiýesini wagyz etmek maksady bilen «Edep-terbiýe maşgaladan başlanýar» ady bilen wagyz-nesihat duşuşygy geçirildi.
Duşuşykda çykyş edenler kämil maşgalany kemala getirmekde taraplaryň paýyna uly jogapkärçiligiň düşýändigini nygtap, sagdyn maşgalada dünýä inen perzentleriň jemgyýetimizde özüne mynasyp orun almaklarynda maşgala jebisliginiň, goldawynyň juda ulydygyny belläp geçdiler.
Çäreniň dowamynda maslahata gatnaşanlar Milli Liderimiz Gahryman Arkadagymyzyň, peder ýoluny mynasyp dowam etdirýän Arkadagly Gahryman Serdarymyzyň janlarynyň sag ömürleriniň uzak, il-ýurt bähbitli edýän işleriniň rowaçlyklara beslenmegini arzuw etdiler.
Gülzar BEKMURADOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Köýtendag etrap Geňeşiniň Guramaçylyk
bölüminiň esasy hünärmeni.
