Golaýda Lebap welaýat Bagt köşgünde «Halkara parahatçylyk we ynanyşmak ýylynyň» şygaryny dabaralandyrmak maksady bilen tegelek stoluň başyndaky söhbetdeşlik duşuşygy geçirildi. Duşuşykda çykyş edenler parahatçylyk we ynanyşmak ýörelgeleriniň rowaçlanmagyny ähli zatdan ileri tutýan hemişelik Bitarap Türkmenistanyň bütin dünýäde parahatçylygyň we durnukly ösüşüň üpjün edilmegine mynasyp goşant goşýandygyny, Gahryman Arkadagymyzyň hem-de Arkadagly Gahryman Serdarymyzyň dünýäde asudalygy gazanmak, halklaryň arasynda dostlukly gatnaşyklary berkitmek babatynda edýän taýsyz tagallalarynyň bu günki gün dünýäniň syýasy arenasynda gyzgyn garşylanylýandygyny we goldanylýandygyny, geçen taryhy döwrüň dowamynda ýurdumyzyň parahatçylykly we dostlukly gatnaşyklar arkaly birek-birege ynanyşmak we hormat goýmak esasynda dünýä syýasatynda netijeli diplomatik gatnaşyklaryň üsti bilen ýokary ösüşlere ýetip bolýandygyny bütin dünýäde subut edendigini, Milli Liderimiz tarapyndan öňe sürlen «Dialog – parahatçylygyň kepili» atly häzirkizaman halkara gatnaşyklarynyň täze pelsepesini döretmek baradaky başlangyjynyň aýratyn bir filosofiýa bolmak bilen, oňa halkymyzyň iň gowy däpleriniň gadymy ýörelgeleriniň siňendigini uly buýsanç bilen aýdyp geçdiler. Duşuşyga gatnaşanlar berkarar döwletimiziň gülläp ösmeginde asylly işleri amala aşyrýan täze taryhy döwürde eziz Diýarymyzy, mähriban halkymyzy röwşen geljege alyp barýan, dünýä ýüzünde parahatçylygy, durnuklylygy we asudalygy pugtalandyrmakda ägirt uly tagallalary edýän türkmen halkynyň milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini beýan etdiler.
Dinara KARIMOWA,
Türkmenistanyň Magtymguly adyndaky
Ýaşlar guramasynyň Lebap welaýat Geňeşiniň
guramaçylyk bölüminiň baş hünärmeni.
