Golaýda Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşi, etrap bilim bölümi bilen bilelikde gurnamagynda, Kerki etrap hassahanasynda, şol hassahanada zähmet çekýän öňdebaryjy ýaşlarynyň arasynda “Sagdyn nesil bagtyýar geljek” atly şygar astynda dabaraly maslahat geçirildi.
Onda Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşiniň başlygy Arzuw Rahmanowa, Kerki etrap polisiýa bölüminiň derňew bölümçesiniň uly sülçisi, polisiýanyň maýory Mekan Jumaýew, Kerki etrabynyň ýaşaýjysy hajy ene Aýnabat Jumaýewa, Kerki etrabynyň ýaşulylar geňeşiniň agzasy Nedir Egamberdiýew, Kerki etrap hassahanasynyň tiz kömek bölüminiň lukmany Oguljan Faizowa çykyş etdiler.
Çykyş edenler beden taýdan sagdyn, sowatly, gujurly ýaşlary terbiýelemekde öňde durýan belent wezipeleri durmuşa geçirmekde mundan beýläk hem alnyp barylýan bähbitli işlere ähli ýaşlary işjeň gatnaşmaklyga çagyrdylar.
Duşuşygyň ahyrynda oňa gatnaşanlar ýaşlar hakynda uly aladalar edýän Gahryman Arkadagymyza, Arkadagly Gahryman Serdarymyza tüýs ýürekden hoşallyk sözlerini beýan etdiler.
Oýdin AŞIROWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Kerki etrap Geňeşiniň baş hünärmeni.
