Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Boldumsaz etrap Geňeşi, “Halkara parahatçylyk we ynanyşmak” ýyly mynasybetli, etrabyň Gubadag şäher çagalar sungat mekdebiniň okuwçylarynyň arasynda “Ýylymyzyň şygary – ýolumyzyň çyragy” atly şygar astynda surat çekmek boýunça bäsleşik geçirdi. Bäsleşige gatnaşan okuwçylaryň çeken suratlarynda onuň şertlerine laýyklykda, döwrümiziň ösüşi, ýurdumyzyň parahatsöýüjilik ýörelgeleri, döwletimizde durmuşa geçirilýän beýik özgertmeler we ýetilen sepgitler, mukaddes Garaşsyzlygymyz, baky Bitaraplygymyz, “Halkara parahatçylyk we ynanyşmak” ýyly, ýaşlaryň bagtyýar durmuşy öz beýanyny tapdy.
Netije-de, Agajan Mättaganow, Suraý Annageldiýewa, Aknur Ataýewa, Jeren Bekdurdyýewa, Aýdursun Baýaýewa dagylaryň çeken suratlary 1-nji orna, Aýmyrat Nurgeldiýew, Arslan Klyçow, Akjemal Alyýewa dagylaryň işleri 2-nji orna, Aýnur Akynowanyň eseri bolsa, 3-nji orna mynasyp boldy. Ýeňijilere we işjeň gatnaşan okuwçylara Ýaşlar guramasynyň ýerli Geňeşiniň Hormat hatlary dabaraly ýagdaýda gowşuryldy.
Nurjemal SAPAROWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Boldumsaz etrap Geňeşiniň uly buhgalteri.
