Gahryman Arkadagymyzyň howandarlygynda, Arkadagly Gahryman Serdarymyzyň parasatly baştutanlygynda eziz Watanymyz Berkarar döwletiň täze eýýamynyň Galkynyşy döwrüniň «Halkara parahatçylyk we ynanyşmak ýylyny» zähmet üstünliklerine besleýär. Hormatly Prezidentimiz: «Biz ýaşlara eziz Watanymyzyň geljegini gurujylar hökmünde garaýarys. Belent maksatlara ýetmekde ýurdumyzyň ýaş nesillerine aýratyn bil baglaýarys» diýmek bilen, kämil nesilleri terbiýeläp ýetişdirmek meselesine aýratyn ähmiýet berýär. Milli ýol-ýörelgelerimiz, däp-dessurlarymyz esasynda alnyp barylýan işler oňyn netijesini berip, watansöýüji, ynsanperwerlik, türkmençilik ýol-ýörelgelerine ygrarly nesiller kemala gelýär. Milli Liderimiziň çäksiz sahawaty bilen esaslandyrylan Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan asylly işleri hem bu işlerde nusga alarlykdyr.
Şundan ugur alyp, ýakynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň howandarlyk etmeginde «Halkara parahatçylyk we ynanyşmak ýyly: çagalaryň gözýetimi, dünýägaraýşy» ady bilen bäsleşik yglan edildi. Bäsleşigiň Arkadag şäheri hem ýokary guramaçylykly geçirildi. Şükür bagşy adyndaky Arkadag şäher çagalar sungat mekdebinde geçirilen bäsleşik ugur boýunça geçirildi.
Türkmen milli oýunlary, aýdym-saz we tans sungaty, surat çekmek we amaly haşam sungaty ugurlary boýunça geçirilen bäsleşigiň esasy maksady ýaşlarymyzy watançylyk ruhunda terbiýelemekden, olaryň döredijilik ukyplaryny ösdürmekden, dünýägaraýşyny giňeltmekden, düşünjelerini baýlaşdyrmakdan, dostluk gatnaşyklaryny ösdürmekden, ruhy-ahlak häsiýetlerini kämilleşdirmekden, zehinli ýaşlary ýetişdirmekden, olaryň eserdeňlik, ünslülik, duýgurlyk, ýatkeşlik terbiýesini kämilleşdirmekden hem-de «Halkara parahatçylyk we ynanyşmak ýylynda» durmuşa geçirilýän işleriň gerimini has-da giňeltmekden ybaratdyr.
Şatlyk-şowhuna beslenip geçirilen bu çärede Arkadag şäheriniň çäginde hereket edýän umumybilim berýän orta mekdeplerden 4 – 11 ýaşa çenli mekdep okuwçylary çagalar edaralarynyň körpeleri gatnaşyp, üstünlikli çykyş etdiler. Bäsleşikde baş baýraga eýe bolan körpeler döwlet tapgyryna gatnaşmaga hukuk gazandylar.
Umyda KAKAÝEWA,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň bölüm müdiri.
