Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Kaka etrap Geňeşiniň hem-de etrabyň beýleki jemgyýetçilik guramalarynyň bilelikde guramagynda etrabyň çägindäki «Abiwerd» taryhy-medeni döwlet goraghanasyna syýahat guraldy.
Gezelençde etrabyň edara-kärhanalarynda, orta mekdeplerde zähmet çekýän ýaşlar üçin guralan syýahatynyň dowamynda «Abiwerd» taryhy-medeni döwlet goraghanasynyň ýolbaşçysynyň orunbasary, Türkmenistanyň Mejlisiniň deputaty Maýa Hojyýewa taryhy ýadygärlikler barada täsirli gürrüň berdi.
Onuň bu taryhy künjekde ýerleşýän gadymy ýadygärlikler barada ylmy maglumatlara salgylanyp beren gürrüňleri, şeýle-de taryhy ýadygärlikleri öwrenmek, goramak we rejelemek babatynda alnyp barylýan işler hakdaky gürrüňleri ýaşlaryň ünsüni has-da özüne çekdi.
Bu syýahat ýaşlaryň watançylyk duýgusynyň ösmegine oňyn täsir edip, olara ýakymly duýgulary peşgeş berdi.
Begenç ÖWEZOW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Kaka etrap Geňeşiniň başlygy.
