Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň hem-de “Türkmen owazy” teleýaýlymynyň bilelikde guramagynda “Biz owaz bilen” atly aýdym-sazly gepleşigiň nobatdaky sany ýazgy edildi.
Gepleşigiň bu gezekki sanyna Aşgabat şäheriniň ýaşaýjysy, meşhur aýdymçy Baýramhan Saparow gatnaşdy.
Täsirli hem gyzykly geçen söhbetdeşlikde aýdymçy “Suraý”, “Nirde sen”, “Ýol”, “Gaýdyp berseler”, “Baharym”, “Bileje bolaly”, “Ömür”, “Watan”, “Ilki duşuşyk” ýaly joşgunly aýdymlary ýerine ýetirdi. Gürrüňdeşligiň dowamynda myhman bilen gyzykly sorag-jogap alşyldy.
Gepleşigiň ahyrynda myhmanymyza Türkmenistanyň Magtymguly adyndaky Ýaşlar guramasynyň Aşgabat şäher Geňeşi tarapyndan ýadygärlik sowgat gowşuryldy. Aýdymçy öz gezeginde medeniýetimizi, sungatymyzy ösdürmekde, ony dünýä ýaýmakda giň mümkinçilikleri döredip berýän türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň adyna alkyş sözlerini beýan etdi.
Merdan ÝURDAMANOW,
Türkmenistanyň Magtymguly adyndaky
Ýaşlar guramasynyň Aşgabat şäher Geňeşiniň
Medeniýet we köpçilikleýin habar beriş bölüminiň
esasy hünärmeni.
