Ýakynda Aşgabat şäheriniň 14-nji saglyk öýüniň mejlisler zalynda lukmanlaryň gatnaşmagynda Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň, etrap häkimliginiň hem-de etrap Polisiýa bölüminiň bilelikde guramagynda “Saglygym – baş baýlygym” ady bilen wagyz-nesihat duşuşygy geçirildi.
Duşuşykda çykyş edenler Berkarar döwletiň täze eýýamynyň Galkynyşy döwründe alym Arkadagymyzyň hem-de hormatly Prezidentimiziň tagallalary bilen saglygy goraýyş we sport ulgamlarynyň hemmetaraplaýyn ösdürilmegine aýratyn ähmiýet berilýändigi barada buýsanç bilen bellediler. Şeýle-de çykyşlarda sagdyn durmuş ýörelgesini berjaý etmegiň sagdyn nesli kemala getirmekde uly ähmiýetiniň bardygy dogrusynda nygtaldy.
Çäräniň ahyrynda Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň adyna alkyş sözleri beýan edildi.
Ismail ÝAKUBOW,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Berkararlyk etrap Geňeşiniň başlygy.
