Üstümizdäki «Halkara parahatçylyk we ynanyşmak» ýylynda Türkmen bedewiniň milli baýramy mynasybetli Türkmenistanyň Magtymguly adyndaky Ýaşlar guramasynyň Lebap welaýat Geňeşiniň guramagynda Lebap Atçylyk sport toplumynyň mejlisler jaýynda Türkmenistanyň Magtymguly adyndaky Ýaşlar guramasynyň Lebap welaýat, şäher etrap Geňeşleriniň işgärleri hem-de Türkmenistanyň Oba Hojalyk Uniwersitetiniň Türkmenabat agrosenagat orta hünär okuw mekdebiniň talyp ýaşlarynyň gatnaşmagynda «Şan-şöhraty dünýä dolan bedewler» atly dabaraly maslahat geçirildi.
Maslahatda S.A.Nyýazow adyndaky Türkmenistanyň Oba Hojalyk Uniwersitetiniň Türkmenabat agrosenagat orta hünär okuw mekdebiniň mugallymlary, Türkmenistanyň Magtymguly adyndaky Ýaşlar guramasynyň Lebap welaýat Geňeşiniň wekilleri hem-de talyp ýaşlar çykyş etdiler.
Maslahatyň ahyrynda oňa gatnaşanlar medeni mirasymyzyň aýrylmaz bölegi bolan türkmen halkynyň atşynaslyk däplerini gorap saklamak, ösdürmek we dünýä ýaýmak babatda taýsyz tagalla edýän Gahryman Arkadagymyza hem-de Arkadagly Gahryman Serdarymyza alyp barýan işleriniň rowaçlyklara beslenmegini tüýs ýürekden arzuw etdiler.
Dinara KARIMOWA,
Türkmenistanyň Magtymguly adyndaky
Ýaşlar guramasynyň Lebap welaýat
Geňeşiniň guramaçylyk bölüminiň
baş hünärmeni.
