Ýakynda Türkmenistanyň Magtymguly adyndaky Ýaşlar guramasynyň Aşgabat şäher hem-de Arkadag şäheriniň Geňeşleriniň bilelikde guramagynda Saçly Dursunowa adyndaky Arkadag şäher lukmançylyk orta hünär okuw mekdebinde «tegelek stoluň» başynda söhbetdeşlik duşuşygy geçirildi.
Duşuşygyň dowamynda çykyş edenler 2025-nji Halkara parahatçylyk we ynanyşmak ýylynda Watanymyzyň dünýä döwletleri bilen dost-doganlyk, hoşniýetlilik, parahatçylyk esasynda ýola goýan gatnaşyklary, Gahryman Arkadagymyzyň ýaňy-ýakynda goňşy döwletlere amala aşyran dostlukly saparlary, giň gerimli halkara hyzmatdaşlyk hem-de 27 – 29-njy aprelde Arkadag şäherinde geçirilen «Ykdysady Hyzmatdaşlyk Guramasynyň durnukly ösüş boýunça ministrler derejesindäki birinji forumy» barada giňişleýin gürrüň etdiler.
Gepleşigiň ahyrynda oňa gatnaşanlar dünýäde ýurdumyzyň beýik ösüşleri nazarlaýan dost-doganlyk gatnaşyklaryny berkitmek hem-de täze taryhy döwürde ykdysadyýetimizi ösdürmek ugrunda beýik işleri amala aşyrýan Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli, umumadamzat ähmiýetli beýik işleriniň hemişe rowaçlyklara beslenmegini arzuw etdiler.
Mähriban ŞYHMYRADOWA,
Türkmenistanyň Magtymguly adyndaky
Ýaşlar guramasynyň Aşgabat şäher Geňeşiniň
Guramaçylyk bölüminiň baş hünärmeni.
