Ýakynda Türkmenbaşy Jins toplumynyň Magtymguly adyndaky ilkinji Ýaşlar guramasynyň guramagynda toplumda zähmet çekýän ýaş hünärmenleriň gatnaşmagynda 1941-1945-nji ýyllaryň Beýik Watançylyk urşunda gazanylan Ýeňşiň 80 ýyllygy mynasybetli “Halkyň parahat durmuşynyň goragçylaryna şöhrat!” atly wagyz-nesihat duşuşygy geçirildi.
Duşuşygyň dowamynda çykyş edenler Halkara parahatçylyk we ynanyşmak ýylynda bu şanly senäniň taryhy ähmiýeti, Watan üçin janyny orta goýup, mertlerçe söweşen gahrymanlaryň ýowuz söweşlerde görkezen edermenlikleri, olaryň yzynda tylda galan zenanlaryň gaýduwsyzlygy, irginsiz çeken zähmeti, ýurdumyzda uruş we zähmet weteranlaryna goýulýan belent hormat-sarpa dogrusynda gürrüň berdiler.
Duşuşygyň ahyrynda türkmen halkynyň asuda, abadan durmuşda ýaşamagy ugrunda alyp barýan netijeli işleri üçin türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Güljahan HOJAMMAÝEWA,
Türkmenbaşy jins toplumynyň
Magtymguly adyndaky IÝG-niň uly buhgalteri.
