Türkmenistanyň Magtymguly adyndaky Ýaşlar guramasynyň Lebap welaýatynyň Dänew etrap Geňeşi, etrabyň bedenterbiýe we sport bölümi bilen bilelikde Lebap welaýatynyň Dänew etrabynyň 6-njy sport mekdebinde “Ýaramaz endikleriň garşysyna milli ruh bilen” atly sportuň erkin göreş boýunça bäsleşigi geçirildi.
Ýaşlary sporta çekmek, berk bedenli, sagdyn nesilleri kemala getirmek maksady bilen geçirilen sport çäresine etrabymyzyň sport mekdepleriniň türgenleri gatnaşdy.
Bäsleşikde ýaş höwesjeň türgenler özleriniň zehinlerini sporta bolan höwesini ukyp başarnygyny gazanan ýeňişleri bilen subut etdiler.
Gyzykly we çekeleşikli geçen bäsleşigiň jemi boýunça ýeňiji bolan ýaş höwesjeň türgenlere Türkmenistanyň Magtymguly adyndaky Ýaşlar guramasynyň Lebap welaýatynyň Dänew etrap Geňeşi tarapyndan hormat hatlary gowşuryldy.
Rahmet BEŞIMOW,
Türkmenistanyň Magtymguly adyndaky
Ýaşlar guramasynyň Lebap welaýatynyň
Dänew etrap Geňeşiniň Sanly ulgam
boýunça esasy hünärmeni.
