.jpg)
Ýaňy ýakynda Lebap welaýatynyň Türkmenabat şäheriniň 62-nji çagalar bagynda Türkmenistanyň Magtymguly adyndaky Ýaşlar guramasynyň Lebap welaýatynyň Türkmenabat şäher Geňeşi, Lebap welaýat Baş bilim müdirliginiň bilim bölümi bilen bilelikde guramagynda çagalar bagynda terbiýelenýän körpejeleriň arasynda çagalary goramagyň halkara güni mynasybetli «Çaga – durmuşyň güli» atly aýdym-sazly dabara geçirildi.
Dabaranyň dowamynda çagalar bagynda terbiýelenýän körpeler 2025-nji «Halkara parahatçylyk we ynanyşmak ýylynda» türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň taýsyz tagallalary netijesinde alnyp barylýan tutumly işleri, eziz Watanymyzy bagtyýar çagalygy, dost-doganlygy, parahatçylygy we sagdyn durmuş ýörelgesini özleriniň aýdym-sazlarynyň, şahyrana sözleriniň üsti bilen wasp etdiler.
Dabaranyň ahyrynda körpejeler Milli Liderimiz Gahryman Arkadagymyzyň we hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny çaga ýüreginden arzuw etdiler.
Aýjan ABDULLAÝEWA,
Türkmenistanyň Magtymguly adyndaky
Ýaşlar Guramasynyň Türkmenabat
şäher Geňeşiniň Baş buhgalteri.
