Golaýda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň guramagynda Çagalary goramagyň halkara güni mynasybetli etrabyň 1-nji çagalar bakja-bagynda körpeleriň we terbiýeçileriň gatnaşmagynda «Türkmenistan — bagtly çagalaryň mekany» atly baýramçylyk çäresi geçirildi.
Şatlyk-şowhuna beslenen çäräniň dowamynda körpeleriň ýerine ýetirmeginde tomaşa edilen Berkarar döwletimizi we bagtyýar zamanamyzy wasp edýän aýdym-sazly çykyşlar çärä gatnaşanlara ruhy lezzet paýlady.
Baýramçylyk çäresiniň ahyrynda oňa gatnaşanlar çagalaryň abadan we bagtyýar durmuşyny üpjün etmek, sagdyn bedenli, terbiýeli, bilimli we zehinli ýaş nesilleri terbiýeläp ýetişdirmek ugrunda döredip berýän giň mümkinçilikleri üçin Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli tutýan tutumly işleriniň hemişe rowaçlyklara beslenmegini arzuw etdiler.
Çynar HOŞGELDIÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň Guramaçylyk
bölüminiň esasy hünärmeni.
