Golaýda Türkmenbaşy dokma toplumynyň Magtymguly adyndaky ilkinji Ýaşlar guramasynyň hem-de «Türkmen sport» teleýaýlymy bilen bilelikde guramagynda «Altyn Sümmül» çagalar sagaldyş we dynç alyş merkezinde dynç alýan çagalaryň arasynda surat çekmek boýunça bäsleşik geçirildi.
Bäsleşikde bagtyýar çagalygy, ajaýyp tebigatymyzy wasp edýän suratlary ussatlyk bilen çekip, öz zehin-başarnyklaryny görkezen çagalara Türkmenbaşy dokma toplumynyň Magtymguly adyndaky ilkinji Ýaşlar guramasy tarapyndan sowgatlar gowşuryldy.
Çäräniň ahyrynda oňa gatnaşanlar ýurdumyzy bedew bady bilen ýagty ertirlere alyp barýan, ýaşlaryň döwrebap bilim almagy, ylym öwrenmegi, döredijilik bilen meşgullanmagy ugrunda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Gülälek TEJENGELDIÝEWA,
Türkmenbaşy dokma toplumynyň Magtymguly
adyndaky IÝG-niň uly buhgalteri.
