Golaýda Lebap welaýatynyň Bagt köşgi toý mekanynda Türkmenistanyň Magtymguly adyndaky Ýaşlar guramasynyň Lebap welaýatynyň Türkmenabat şäher Geňeşiniň guramagynda bilim edalarynda zähmet çekýän ýaş hünärmenleriniň gatnaşmagynda «Döwletli başlangyçlar – rowaçlygyň binýady» atly brifing duşuşygy geçirildi.
.jpg)
Duşuşyga Lebap welaýatynyň «Türkmen gündogary» gazetiniň bölüm redaktory Agageldi Italmazow, Lebap welaýat teleradiostudiýasynyň hünärmeni Soltanberdi Annaýew, Türkmenistanyň Magtymguly adyndaky Ýaşlar Guramasynyň Lebap welaýatynyň Türkmenabat şäher Geňeşiniň guramaçylyk bölüminiň hünärmeni Begenç Çaryýew, Türkmenabat şäher merkezi kitaphanasynyň kitaphanaçysy Aknur Allamyradowa, Türkmenabat şäheriniň daşary ýurt dillerine ýöriteleşdirilen 2-nji orta mekdebiniň mugallymy Oguljeren Sadykowa dagylar gatnaşdylar. Olar özleriniň çykyşynda Hormatly Prezidentimiziň gatnaşmagynda Merkezi Aziýa Hytaý halk respublikasynyň ikinji sammitiniň geçirilmegi dogrusynda giňişleýin gürrüň etdiler.
Brifingiň ahyrynda oňa gatnaşanlar ýaşlaryň bagtyýar şu güni we röwşen geljegi ugrunda giň gerimli işleri durmuşa geçirýän Gahryman Arkadagymyzyň hem-de Arkadagly Gahryman Serdarymyzyň adyna alkyş sözlerini aýtdylar.
Laçyn AKYÝEWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Türkmenabat şäher Geňeşiniň baş hünärmeni.
